07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
Բայդենն ու Նեթանյահուն աշխարհին կոչ են արել միավորվել ՀԱՄԱՍ-ի դեմ
Քաղաքականություն
18.10.2023 | 14:57
Իսրայել ժամանելուն պես հրավիրված մամուլի ասուլիսի ժամանակ Ջո Բայդենը հայտարարել է, որ տխրել և զայրացրել է Գազայի հիվանդանոցի վրա սարսափելի հարձակման պատճառով, գրում է BBC-ի ռուսական ծառայությունը։
Նա կոչ է արել միջազգային հանրությանը հիշել, որ ՀԱՄԱՍ-ը չի ներկայացնում պաղեստինյան ժողովրդի շահերը և տառապանքից բացի՝ նրան ոչինչ չի բերել։
Սպիտակ տան ղեկավարը ևս մեկ անգամ հաստատել է ԱՄՆ-ի նվիրվածությունը ցանկացած պայմաններում Իսրայելին օգնելու հարցում։
«Ցանկանում եմ ասել Իսրայելի ժողովրդի մասին․ նրանց քաջությունը, նրանց նվիրվածությունն իրենց երկրին, նրանց խիզախությունը զարմացնում են։ Շատ հպարտ եմ այստեղ գտնվելու համար և կառուցողական երկխոսության հույս ունեմ՝ քննարկելու, թե որ ուղղությամբ պետք է շարժվենք»,- ասել է Բայդենը։
«Ինչպես ամբողջ քաղաքակիրթ աշխարհը ժամանակին միավորվել է ընդդեմ նացիստների ու ԻԼԻՊ-ի՝ այժմ պետք է միավորվել ՀԱՄԱՍ-ի դեմ։ Քաղաքակրթության ուժերը կհաղթեն՝ հանուն մեզ, հանուն ձեզ և հանուն խաղաղության ու անվտանգության»,- իր հերթին ասել է Իսրայելի վարչապետը։
