06.06.2026 | 12:25
Էլինա Ավանեսյանը կիսաեզրափակիչ է դուրս եկել Խորվաթիայում
Վրաստանում սկսվել է երկրի նախագահի իմփիչմենթի հարցով հանդիպումը
Քաղաքականություն
18.10.2023 | 13:56
Վրաստանի խորհրդարանը լիագումար նիստում մեկնարկել է հանրապետության նախագահ Սալոմե Զուրաբիշվիլիի իմփիչմենթի հարցով քննարկումը։ Հանդիպումն ուղիղ հեռարձակվում է օրենսդիր մարմնի կայքում։
Հանդիպման առաջին բանախոսը եղել է իշխող «Վրացական երազանք-Ժողովրդավարական Վրաստան» կուսակցության նախագահ, պատգամավոր Իրակլի Կոբախիձեն, որը հերթական անգամ խորհրդարանականներին բացատրել է պետության ղեկավարի պաշտոնանկության պատճառը։
Հանդիպմանը մասնակցում է նաև Սալոմե Զուրաբիշվիլին։ Նախագահի՝ նիստերի սենյակ մտնելիս իշխող կուսակցության ներկայացուցիչները հրաժարվել են ոտքի կանգնել։
Զուրաբիշվիլին պետք է խոսի Կոբախիձեից հետո և բացատրի, թե ինչու չի կարելի իրեն հեռացնել պաշտոնից։ Հանդիպմանը ներկա են նաև ընդդիմադիր կուսակցությունների ներկայացուցիչներ։
Կառավարության որոշ ընդդիմախոսներ հրաժարվել են մասնակցել գործընթացին՝ դրանով ընդդիմանալով իմփիչմենթին։
Ընթացակարգի համաձայն՝ Զուրաբիշվիլիի ելույթն ավարտելուց հետո պատգամավորները հնարավորություն կունենան նրան հարցեր ուղղել, ինչից հետո կսկսվի քաղաքական բանավեճը։ Այսօր երեկոյան նախատեսվում է իմփիչմենթի հարցով քվեարկությունը։
