07.10.2026 | 21:25
Հայաստանում երկաթգծերը վերականգնելու նախագծման մրցույթին ղազախական ու ուզբեկական ընկերություններ են մասնակցել, բայց չեն հաղթել
Գազայում հիվադանոցի պայթյունը Թուրքիայում զանգվածային հակաիսրայելական բողոքի ալիք է առաջացրել
Քաղաքականություն
18.10.2023 | 16:37
Գազայի հիվանդանոցի պայթյունը, որը հարյուրավոր կյանքեր է խլել, հակաիսրայելական բողոքի ցույցերի պատճառ է դարձել Թուրքիայում։
Գիշերը Ստամբուլի Լևենթ թաղամասում Իսրայելի հյուպատոսարանի մոտ զգալի բազմություն է հավաքվել։ Պաղեստինի և Թուրքիայի դրոշները ձեռքին՝ ցուցարարները վանկարկել են Իսրայելի գործողությունները դատապարտող կարգախոսներ։ Որոշ ցուցարարներ ձվեր են նետել հյուպատոսության շենքի վրա։
Լարվածությունը սրվել է, երբ ամբոխի մի մասը փորձել է խախտել հյուպատոսարանը շրջապատող անվտանգության պատնեշները: Դա հանգեցրել է բախումների ոստիկանության հետ, որն այնուհետև արցունքաբեր գազ է օգտագործել։ Որոշ ցուցարարներ տուժել են գազի ազդեցությունից։ Հիվանդանոցի վրա հարձակումը բողոքի ցույցեր է առաջացրել նաև Թուրքիայի այլ քաղաքներում:
Չնայած այս ալիքին՝ պաշտոնական Իսրայելը հերքում է իր մասնակցությունը հիվանդանոցի վրա հարձակմանը։ Ավելին, Պաշտպանության բանակը տեսանյութ է հրապարակել, որը, ըստ գերատեսչության, հաստատում է հիվանդանոցին հարվածած հրթիռի՝ Գազայի տարածքից արձակված լինելը։
