18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Բայդենը չեղարկել է Հորդանան այցը
Քաղաքականություն
18.10.2023 | 11:47
ԱՄՆ նախագահ Ջո Բայդենը հետաձգել է իր այցը Հորդանան, որտեղ պետք է հանդիպեր թագավոր Աբդալլահ Երկրորդի հետ, չորեքշաբթի լույս հոկտեմբերի 18-ի գիշերը հայտնել է DW-ի ռուսական ծառայությունը։ Մերձավոր Արևելք նախատեսված այցի շրջանակներում Բայդենը կայցելի միայն Իսրայել։ Տեղեկատվությունը տարածվել է Գազայի հատվածում հիվանդանոցի վրա զանգվածային հարձակման ֆոնին, որի համար պաղեստինյան և իսրայելական կողմերը միմյանց են մեղադրում։
Նշվում է, որ ԱՄՆ նախագահը որոշել է չեղարկել իր այցը Հորդանան Հորդանանի թագավոր Աբդալլահ II-ի հետ «խորհրդակցություններից» և Պաղեստինի ազգային վարչակազմի ղեկավար Մահմուդ Աբասի կողմից սգո օրեր հայտարարելուց հետո։ Ենթադրվում էր, որ Մահմուդ Աբասը պետք է Եգիպտոսի նախագահ Աբդել Ֆաթահ ալ Սիսիի հետ մասնակցեր հանդիպմանը:
Ջո Բայդենը «խորին ցավակցություն է հայտնել Գազայի հատվածի հիվանդանոցում տեղի ունեցած պայթյունի համար, որը հանգեցրել է անմեղ մարդկանց մահվան», ասվում է Սպիտակ տան հայտարարության մեջ։
Հորդանանի արտաքին գործերի նախարար Այման Հուսեյն Աբդուլլահ աս-Սաֆադին իր հերթին հորդանանյան «Al-Mamlaka» հեռուստաալիքին տված հարցազրույցում ասել է, որ թագավոր Աբդալլահ Երկրորդի և ԱՄՆ նախագահի հանդիպումը հնարավոր կլինի միայն այն դեպքում, եթե համաձայնություն ձեռք բերվի պատերազմի և «այս զանգվածային կոտորածները» դադարեցնելու վերաբերյալ:
