07.10.2026 | 23:48
Արթուր Դանիելյանը կալանավորվեց
ՄԱԿ-ի գլխավոր քարտուղարը կոչ է արել անհապաղ դադարեցնել կրակը Գազայում
Քաղաքականություն
18.10.2023 | 11:09
ՄԱԿ-ի գլխավոր քարտուղար Անտոնիո Գուտերեշը կոչ է արել անհապաղ հրադադար հաստատել Գազայում՝ հումանիտար նկատառումներով։
Ելույթ ունենալով Պեկինում կայացած ֆորումում, որտեղ ներկա են եղել Չինաստանի նախագահ Սի Ծինփինը և ՌԴ նախագահ Վլադիմիր Պուտինը, Գուտերեշն իր ելույթի վերջում ասել է, որ անհրաժեշտ է համարում արտահայտվել Մերձավոր Արևելքում տիրող իրավիճակի վերաբերյալ, գրում է BBC-ի ռուսական ծառայությունը։
«Ես անհապաղ մարդասիրական հրադադարի կոչ եմ անում ՝ մարդկային տառապանքի այս աննկարագրելի մակարդակը մեղմելու համար: Չափազանց շատ կյանքեր են կորսվել, և ողջ տարածաշրջանի ճակատագիրը կախված է մազից»,- ասել է ՄԱԿ-ի գլխավոր քարտուղարը:
Այս ելույթից առաջ Գուտերեշը X-ում (նախկինում՝ Twitter) գրել էր, որ խստորեն դատապարտում է Ալ Ահլի հիվանդանոցին հասցված հարվածը, որի հետևանքով հարյուրավոր խաղաղ բնակիչներ են զոհվել։ Ընդ որում, Գուտերեշը չի մեղադրել կողմերից ոչ մեկին այս հարվածի համար։
