30.04.2026 | 22:58
«Նուբարաշեն-Արին-Բերդ» ջրատարի վթարման հետևանքով Երևանի և Արարատի մարզի մի շարք հասցեներում 21 ժամ ջուր չի լինի
Իրանի հոգևոր առաջնորդը հայտարարել է, որ Իսրայելի առաջնորդները «պետք է դատարանի առջև կանգնեն իրենց հանցագործությունների համար»
Քաղաքականություն
17.10.2023 | 17:12
Իրանի գերագույն հոգևոր առաջնորդ այաթոլլա Ալի Խամենեին հայտարարել է, որ իսրայելցի պաշտոնյաները պետք է կանգնեն արդարադատության առջև՝ «պաղեստինցիների դեմ կատարած հանցագործությունների համար», գրում է IRNA-ն:
«Ոչ ոք չի կարողանա դիմակայել մահմեդականներին և դիմադրության ուժերին, եթե Պաղեստինի դեմ սիոնիստական ռեժիմի հանցագործությունները շարունակվեն։ Գազայի ռմբակոծումը պետք է անհապաղ դադարեցվի։ Սիոնիստական ռեժիմի պաշտոնյաները պետք է կանգնեն դատարանի առաջ Գազայի հատվածում պաղեստինցիների դեմ կատարած հանցագործությունների համար»,- ասել է Խամենեին:
1979 թվականի իսլամական հեղափոխությունից հետո Իրանն ակտիվորեն աջակցել է պաղեստինցիներին։ Թեհրանը չի թաքցնում, որ ֆինանսավորում և զինում է ՀԱՄԱՍ-ին։
