28.10.2026 | 18:50
Որտեղ եղել ա երաշխավոր, վերջում եղել ա աղետ․ Նիկոլ Փաշինյան. ՏԵՍԱՆՅՈՒԹ
Վագիֆ Խաչատրյանը հայտարարել է, որ չի ընդունում Բաքվի շինծու մեղադրանքները
Քաղաքականություն
17.10.2023 | 12:42
Բաքվում ընթացող հերթական անօրինական դատական նիստի ժամանակ Արցախից առևանգված Վագիֆ Խաչատրյանը հայտարարել է, որ չի ընդունում իրեն վերագրվող շինծու հանցագործությունների մեղադրանքները։ Դատական նիստն Ադրբեջանը, որի դատական համակարգն աշխարհում վատագույններից է, կրկին վերածել է շոուի՝ խախտելով մարդասիրական իրավունքի նորմները Վագիֆ Խաչատրյանի նկատմամբ։
«Ես մարտերին չեմ մասնակցել, այնտեղ ապրող բոլոր ադրբեջանցիներին ճանաչում էի, նրանք ինձ շատ մոտ էին»,- ասել է Խաչատրյանը։
Վագիֆ Խաչատրյանի նախորդ շինծու դատական նիստը տեղի էր ունեցել հոկտեմբերի 13-ին։
Հիշեցնենք՝ Կարմիր Խաչի միջազգային կոմիտեի ուղեկցությամբ հուլիսի 29-ին բուժման նպատակով Արցախից Հայաստան տեղափոխվող Վագիֆ Խաչատրյանն առևանգվել էր Լաչինի միջանցքի ապօրինի անցակետում։ Այնուհետև Բաքուն նրան շինծու մեղադրանքներ էր առաջադրել «զանգվածային սպանությունների» համար։
Էմմա Չոբանյան
