06.04.2026 | 13:33
ԱՄՆ-ի և Իսրայելի ավիահարվածներից Իրանում առնվազն 25 մարդ է զոհվել. Իսրայելում ևս զոհեր կան
ԱԺ-ն հակաալերգիկ ու հրակայուն ուղեգորգ գնելու համար ՀՀ պետական բյուջեից 5.1 մլն դրամ է ծախսել. «Ժողովուրդ»
24.07.2018 | 10:17
«Ժողովուրդ» թերթը գրում է.
«Ժողովուրդ» օրաթերթին հայտնի դարձավ, որ ԱԺ-ն դեռ մայիս ամսին ուղեգորգ գնելու համար ՀՀ պետական բյուջեից 5.1 մլն դրամ է ծախսել: Պաշտոնական փաստաթղթերի համաձայն՝ ԱԺ-ն «Արմկարպետ» ՍՊԸ-ից գնել է ընդհանուր 600 հատ ուղեգորգ՝ յուրաքանչյուրը 8500 դրամ արժողությամբ:
Ուղեգորգերի տեխնիկական նկարագրում էլ նշված է, որ դրանք պետք է պատրաստված լինեն որսի թելից ու պոլիպրոպիլենից, լինեն հակաալերգիկ ու հրակայուն: Իսկ արդեն վերջնական նախշերը պետք է համաձայնեցվեն պատվիրատուի հետ: Մինչ այդ, հետաքրքիր է՝ ի՞նչ են եղել ԱԺ-ի հին ուղեգորգերը, որ հիմա նորերը ձեռք բերելու կարիք է առաջացել:
Հատկանշական է փաստը, որ այս փաստաթղթերը ստորագրել է ոչ թե ԱԺ աշխատակազմի ղեկավար Արա Սաղաթելյանը, այլ ֆինանսական փաստաթղթերի պատասխանատվությունը դրվել է նրա առաջին տեղակալ Գագիկ Մխեյանի վրա:
Առավել մանրամասն՝ թերթի այսօրվա համարում:
