15.12.2024 | 17:40
Հրշեջները մարել են Արշակունյաց պողոտայի հյուրանոցներից մեկում բռնկված հրդեհը
Բրյուսելում ահաբեկչական սպառնալիքի ամենաբարձր մակարդակն է հայտարարվել․ Բելգիա-Շվեդիա հանդիպումը դադարեցվել է
Քաղաքականություն
17.10.2023 | 12:31
Բրյուսելում ահաբեկչական վտանգի ամենաբարձր մակարդակ է սահմանվել այն բանից հետո, երբ անհայտ անձը կրակ է բացել՝ սպանելով երկու մարդու։ Զոհերը եղել են Շվեցարիայի քաղաքացիներ, գրում է DW-ի ռուսական ծառայությունը։
Բելգիայի դաշնային դատախազության ներկայացուցիչ Էրիկ Վան Դույսը կոչ է արել քաղաքի բնակիչներին մնալ տանը «մինչև սպառնալիքի վերացումը»։ Ըստ նրա՝ հարձակման հեղինակը ոգեշնչված է եղել «Իսլամական պետություն» ահաբեկչական խմբավորումից․ նրան հաջողվել է փախչել, որոնողական աշխատանքներ են ընթանում։ Իշխանությունները հետաքննում են հրաձգության «պոտենցիալ ահաբեկչական շարժառիթը», որի թիրախը Շվեդիայի քաղաքացիներն են եղել:
Հարձակումը տեղի է ունեցել տեղական ժամանակով 19։00-ից սահմաններում ֆուտբոլի Եվրոպայի առաջնության ընտրական փուլի Բելգիա-Շվեդիա հանդիպման մեկնարկից անմիջապես առաջ։ «Քինգ Բոդուեն» մարզադաշտում ընթացող հանդիպումը դադարեցվել 1-1 հաշվի ժամանակ, երբ հայտնի է դարձել ենթադրյալ ահաբեկչության մասին, հայտնում է ՈւԵՖԱ-ն։
Երկրպագուները, ֆուտբոլիստներն ու տեխնիկական անձնակազմը ստիպված են եղել տևական ժամանակ մնալ մարզադաշտում՝ անվտանգության նկատառումներից ելնելով, քանի որ հարձակումը գրանցվել է մարզադաշտից հինգ կիլոմետր հեռավորության վրա:
Բելգիայի վարչապետ Ալեքսանդր Դե Կրոուն ցավակցությունն է հայտնել Բրյուսելում տեղի ունեցած հարձակման զոհերի ընտանիքներին ու ընկերներին։ Նա նաև նշել է, որ Բելգիան և Շվեդիան համատեղ պայքար են մղում ահաբեկչության դեմ։
Շվեդիայի կառավարությունը Բելգիայում գտնվող շվեդներին կոչ է արել զգոն լինել և հետևել Բելգիայի իշխանությունների ցուցումներին։
