25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Բայրամովը Գերմանիայի ԱԳ նախարարի հետ քննարկել է Հայաստանի հետ խաղաղության հեռանկարները
Քաղաքականություն
17.10.2023 | 11:55
Ադրբեջանի ԱԳ նախարար Ջեյհուն Բայրամովը հեռախոսազրույց է ունեցել Գերմանիայի ԱԳ նախարար Անալենա Բերբոքի հետ։ Ըստ ադրբեջանական կողմի հաղորդագրության՝ քննարկվել են տարածաշրջանում առկա իրավիճակը և Ադրբեջանի և Հայաստանի միջև խաղաղ գործընթացի հեռանկարները։
Բայրամովը հերթական անգամ բողոքել է, թե Ադրբեջանի դեմ «զրպարտչական արշավ է իրականացվում էթնիկ զտումների մեղադրանքներով»։
«Զրույցի ընթացքում խոսվել է տարածաշրջանում խաղաղության և անվտանգության հաստատմանն ուղղված ջանքերին խոչընդոտող սադրիչ քայլերից, Ադրբեջանի տարածքային ամբողջականության և ինքնիշխանության դեմ ուղղված կոչերին սատարող հայտարարություններից զերծ մնալու անհրաժեշտության մասին։ Նշվել է, որ ամբողջ Ադրբեջանում ինքնիշխանության վերականգնումից հետո Հայաստանի հետ խաղաղության համաձայնագիր կնքելու իրական հնարավորություններ կան, և Բաքուն հուսով է, որ այդ հնարավորությունները դրական կգնահատվեն Հայաստանի կողմից»,- ասվում է ԱԳՆ հաղորդագրության մեջ։
Հավելենք, որ չնայած Բայրամովի պնդումներին՝ հենց Ադրբեջանն է հրաժարվել խաղաղության բանակցություններին մասնակցությունից, որոնք պետք է տեղի ունենային Գրանադայում։ Բացի այդ՝ Ադրբեջանի նախագահ Իլհամ Ալիևը շարունակում է իր ագրեսիվ ու սադրիչ հայտարարությունները ՀՀ-ի ու արցախահայության դեմ։
