10.04.2026 | 17:53
«Յուվենտուսը» նոր պայմանագիր կնքեց Լուչանո Սպալետիի հետ
Բայդենը չորեքշաբթի օրը կայցելի Իսրայել
Քաղաքականություն
17.10.2023 | 10:46
ԱՄՆ նախագահ Ջո Բայդենը չորեքշաբթի կայցելի Իսրայել։ Այս մասին Իսրայելի ղեկավարության հետ յոթ ժամ տևած բանակցություններից հետո հայտարարել է ԱՄՆ պետքարտուղար Էնթոնի Բլինքենը, հայտնում է The Statesman-ը։
«ԱՄՆ նախագահ Ջո Բայդենը չորեքշաբթի կայցելի Իսրայել։ Նա այստեղ է գալիս Իսրայելի, տարածաշրջանի և աշխարհի համար կրիտիկական պահին։ Նախագահ Բայդենը վերահաստատելու է Միացյալ Նահանգների համերաշխությունը Իսրայելի հետ»,-ասել է Բլինքենը։
Բլինքենի հայտարարությունից անմիջապես հետո Վաշինգտոնում լրագրողների հետ զրուցել է ԱՄՆ Ազգային անվտանգության խորհրդի խոսնակ Ջոն Քիրբին։ Նա ասել է, որ Ջո Բայդենի այցը ցույց կտա ԱՄՆ-ի համերաշխությունը Իսրայելին։
Բացի այդ, ըստ Քիրբիի, Բայդենը մտադիր է քննարկել Գազայի հատված մարդասիրական օգնություն հասցնելու ուղիները, և այնպես, որ ՀԱՄԱՍ-ը չկարողանա օգուտ քաղել դրանից։
Իսրայելից հետո Բայդենը կմեկնի Հորդանանի մայրաքաղաք Ամման։ Այնտեղ նա բանակցություններ կվարի Հորդանանի թագավոր Աբդալլահ Երկրորդի, Եգիպտոսի նախագահ Աբդել Ֆաթահ Սիսիի և Պաղեստինի ինքնավարության նախագահ Մահմուդ Աբասի հետ։
