Քաղաքականություն
16.10.2023 | 20:46
Գազայի հատվածում իսրայելական ռմբակոծությունների հետևանքով զոհվել է առնվազն 2,808 պաղեստինցի, ևս 10,859-ը վիրավորվել է։ BBC-ի ռուսական ծառայության փոխանցմամբ՝ այս մասին հայտնում է Գազայի Առողջապահության նախարարությունը։
Գազայի կառավարական գրասենյակի տվյալներով՝ վերջին 24 ժամում 254 պաղեստինցի է զոհվել։ Բոլոր զոհվածների շուրջ 64%-ը կանայք և երեխաներ են։
Հիշեցնենք, որ հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց, իսկ տասնյակ զինյալներ ներխուժեցին Իսրայելի հարավում գտնվող սահմանամերձ շրջաններ։ Պաղեստինյան ՀԱՄԱՍ շարժման ռազմական թևը հայտարարեց, որ Իսրայելի դեմ «Ալ Աքսայի ջրհեղեղ» գործողություն է իրականացնում, Իսրայելի պաշտպանության բանակն իր հերթին հայտնեց Գազայի հատվածում ՀԱՄԱՍ-ի դեմ «Երկաթե թրեր» գործողության սկսելու մասին:
