16.05.2026 | 12:36
Գագիկ Ծառուկյանի քարոզարշավը՝ ՈՒՂԻՂ
Իսրայելի Կնեսետի նիստը դադարեցվել է օդային տագնապի պատճառով․ Նեթանյահուն ստիպված է եղել պատսպարվել ապաստարանում
Քաղաքականություն
16.10.2023 | 19:45
Իսրայելի Կնեսետի նիստն արդեն երկու անգամ ընդհատվել է հրթիռակոծության սպառնալիքի պատճառով։ Երուսաղեմում օդային տագնապի ազդանշաներ են հնչել՝ ստիպելով խորհրդարանականներին, ինչպես նաև վարչապետ Բենիամին Նեթանյահուին ապաստարաններում պատսպարվել։
Times of Israel-ի տվյալներով՝ ՀԱՄԱՍ-ի զինյալները հերթական հրթիռային հարձակումն են իրականացրել Թել Ավիվի վրա, առնվազն մեկ հրթիռ է խոցվել։
ՀԱՄԱՍ-ը ստանձնել է Թել Ավիվի և Երուսաղեմի վրա նախկինում իրականացված հրթիռային հարձակումների, ինչպես նաև Լիբանանի սահմանին Իսրայելի պաշտպանության բանակի զորքերի վրա հարձակումների պատասխանատվությունը:
Տեղական լրատվամիջոցները հաղորդում են, որ նախորդ հարձակման ժամանակ մեկ հրթիռ ընկել է Երուսաղեմից հյուսիս գտնվող բաց տարածքում։ Զոհեր և վիրավորներ չեն գրանցվել։
