07.10.2026 | 16:20
Հայաստանի Կիոկուշին կարատեի ֆեդերացիան կանցկացնի «Սամուրայ» մրցաշարը
Նավալնիի փաստաբան Ալեքսանդր Ֆեդուլովը դադարել է կապի դուրս գալ, մյուս երեք փաստաբանները ձերբակալված են
Քաղաքականություն
16.10.2023 | 19:20
Ռուսաստանցի ընդդիմադիր գործիչ Ալեքսեյ Նավալնիի թիմը հայտնել է, որ քաղաքական գործչի փաստաբաններից մեկը՝ Ալեքսանդր Ֆեդուլովը, առանց նախազգուշացման չի ներկայացել Կովրովում (Վլադիմիրի շրջան) դատական նիստին, նա կապի դուրս չի եկել, նրա հեռախոսն անջատված է եղել, գրում է Մեդուզան։
ФБК-ի տնօրեն Իվան Ժդանովը հայտարարել է, որ վաղ է պնդել, թե Ֆեդուլովի հետ քննչական գործողություններ են իրականացնում, սակայն հավանական է, որ այդպես է։
Նավալնիի մեկ այլ գործընկեր Լեոնիդ Վոլկովի խոսքով՝ Ֆեդուլովը գնացել է Վլադիմիրի մարզ, բայց անհայտ պատճառներով չի ներկայացել Կովրովի դատարան:
Մինչ այդ, հոկտեմբերի 13-ին Նավալնիի երեք փաստաբանները՝ Իգոր Սերգունինը, Վադիմ Կոբզևը և Ալեքսեյ Լիպցերը ձերբակալվել էին «ծայրահեղական համայնքին» մասնակցության մեղադրանքով։
«Ծայրահեղական համայնքի ստեղծումը» Ալեքսեյ Նավալնիի դեմ վերջին գործով մեղադրանքներից մեկն է, որով ընդդիմադիր գործիչը դատապարտվել է 19 տարվա ազատազրկման հատուկ ռեժիմի գաղութում։
