24.11.2024 | 19:08
ՃՏՊ Դիմիտրով գյուղի մոտ. 3 անձ տեղափոխվել է հիվանդանոց
Ստրասբուրգի հայ երաժիշտները բարեգործական համերգի հասույթն ուղղել են Արցախից բռնի տեղահանվածներին․ ԼՈՒՍԱՆԿԱՐՆԵՐ
Հասարակություն
16.10.2023 | 10:56
Ֆրանսիայի Ստրասբուրգ քաղաքում բնակվող մի խումբ հայ երաժիշտներ բարեգործական համերգ էին կազմակերպել, որից գոյացած ամբողջ հասույթն ուղղել են Արցախից բռնի տեղահանված ընտանիքներին։ Համերգը կայացել է Ստրասբուրգի գլխավոր հրապարակում՝ Պլաս Կլեբերում։
Համերգին մասնակցել են նաև օտարազգի երաժիշտներ, որոնք կատարել են իրենց երկրների ազգային երաժշտությունը՝ բալկանյան, իռլանդական, իսպանական և այլն։
Համերգի կազմակերիչներից Նելլի Մելքոնյանը Factor.am-ի հետ զրույցում ասաց․ «Համերգի նպատակը արցախցի ընտանիքների համար գումար հավաքելուց բացի նաև տեղի մարդկանց իրազեկելն էր, թե ինչ է կատարվել և կատարվում Հայաստանում ու Արցախում, թե ինչպես են տասնյակ հազարավոր հայեր Ադրբեջանի հարձակման հետևանքով բռնի տեղահանվել իրենց տներից։ Մենք իրազեկող թռուցիկներ էինք պատրաստել, և դրանք բաժանեցինք համերգի մասնակիցներին։ Եթե անկեղծ, ապա ավելի մեծ գումար հանգանակելու հույս ունեինք, սակայն չի բացառվում, որ համերգները շարունակական կլինեն»։
