11.07.2026 | 17:45
Apple-ը դատի է տվել OpenAI-ին՝ մեղադրելով ընկերությանը առևտրային գաղտնիքներ գողանալու մեջ
Բայրամովը հայտարարել է՝ Հայաստանը պետք է ընտրություն կատարի տարածաշրջանային համագործակցության և հարևանների նկատմամբ «անհիմն տարածքային պահանջների միջև»
Քաղաքականություն
14.10.2023 | 19:31
Ադրբեջանի արտգործնախարար Ջեյհուն Բայրամովը կարծում է, որ Հայաստանը պետք է ընտրություն կատարի տարածաշրջանային համագործակցության և «հարևանների նկատմամբ անհիմն տարածքային պահանջների միջև»:
«Այս պահին Հայաստանը պետք է ընտրություն կատարի տարածաշրջանային համագործակցության և իր հարևանների նկատմամբ անօրինական, չհիմնավորված տարածքային պահանջների միջև», – հայտարարել է Բայրամովը Բաքվում ընթացող խորհրդաժողովում ունեցած ելույթի ժամանակ:
Նրա խոսքով՝ միջազգային հանրության դերն այս հարցում նույնպես մեծ նշանակություն ունի։
«Չափազանց կարևոր է, որ Հայաստանի ռևանշիստական փորձերը որևէ կերպ չաջակցվեն, ինչպես նաև կոչեր արվեն բարգավաճման և այս տարածաշրջանում խաղաղության այլընտրանքի բացակայության մասին», – ասել է Բայրամովը:
