07.10.2026 | 23:48
Արթուր Դանիելյանը կալանավորվեց
Տրամաբանական կլինի, եթե Հայաստանն ու Ադրբեջանը որպես բանակցությունների հարթակ ընտրեն ՌԴ-ն․ Պեսկով
Քաղաքականություն
13.10.2023 | 17:41
Մոսկվան նախկինի պես կարևոր միջնորդ է Հայաստանի և Ադրբեջանի միջև հակամարտության կարգավորման վերջնականացման համար։ Տրամաբանական կլիներ, եթե դա տեղի ունենար ռուսական հարթակում։ Նման հայտարարությամբ է հանդես եկել ՌԴ նախագահի մամուլի խոսնակ Դմիտրի Պեսկովը, գրում է ՌԻԱ Նովոստին։
«Լսել եք նախագահի խոսքը, մենք պատրաստ ենք մեր հարթակը տրամադրել։ Նախագահը խոսել է մեր պատրաստակամության մասին՝ սկզբում կազմակերպել նախարարական մարաթոն, եթե պահանջվի ոչ մի օրով, այլ մի քանի օրով արդյունքի հասնելու համար»,- ասել է Պեսկովը։
Նա նշել է, թե Մոսկվան շարունակում է մնալ շատ կարևոր միջնորդ Հայաստանի և Ադրբեջանի միջև իրավիճակի կարգավորման վերջնականացման համար։
«Իհարկե, տրամաբանական կլիներ, եթե այդ ամենն այս կամ այն կերպ լիներ ռուսական հարթակում։ Բայց ընտրությունը, իհարկե, Բաքվին ու Երևանինն է։ Բաքուն բավական կառուցողական դիրքորոշում ունի այս հարցում, Երևանը դեռ ամբողջությամբ չի կողմնորոշվել, մենք սպասում ենք արձագանքի»,- ասել է Պեսկովը։
Հավելենք, որ ՌԴ նախագահ Վլադիմիր Պուտինն այսօր հայտարարել էր, թե Ռուսաստանը պատրաստ է աջակցել Հայաստանի և Ադրբեջանի միջև խաղաղության պայմանագրի ստորագրմանը և կարող է բանակցությունների համար կողմերին ընդունել Մոսկվայում։
Էմմա Չոբանյան
