18.03.2026 | 23:19
1-ամյա երեխայի սպանության փորձ կատարելու մեջ մեղադրվող խորթ մայրը կալանավորվեց
Պուտինը խոսել է անկախ Պաղեստին ստեղծելու անհրաժեշտության մասին
Քաղաքականություն
13.10.2023 | 17:10
Իսրայելը ենթարկվել է դաժան հարձակման, սակայն կարգավորումը հնարավոր է միայն անկախ Պաղեստինի ստեղծման միջոցով, որի մայրաքաղաքն Արևելյան Երուսաղեմն է: Այս մասին ԱՊՀ երկրների ղեկավարների գագաթնաժողովում հայտարարել է ՌԴ նախագահ Վլադիմիր Պուտինը, գրում է ՏԱՍՍ-ը։
Նրա խոսքով՝ Ռուսաստանը ելնում է «այն բանից, որ պաղեստինա-իսրայելական հակամարտությունը բանակցությունների միջոցով լուծելն այլընտրանք չունի»։
«Դրանց նպատակը պետք է լինի ՄԱԿ-ի «երկու պետություն» բանաձևի իրականացումը, որը ներառում է անկախ պաղեստինյան պետության ստեղծում՝ մայրաքաղաքը Արևելյան Երուսաղեմում՝ Իսրայելի հետ անվտանգության ու գոյակցության պայմաններում։ Անկասկած, մենք նաև տեսնում ենք այն, որ Իսրայելը ենթարկվել է իր դաժանությամբ աննախադեպ գրոհի և, իհարկե, պաշտպանվելու իրավունք ունի, իրավունք ունի ապահովել իր խաղաղ գոյությունը»,- ասել է Պուտինը՝ ընդգծելով, որ «անհրաժեշտ է այս հարցերը լուծել խաղաղ միջոցներով»։
