30.04.2026 | 15:42
Եվգենի Լովչևն․ Արսեն Զախարյանը կոտրեց իր ֆուտբոլային կարիերան հանուն արտասահման տեղափոխվելու
Պուտինը հայտարարել է Մոսկվայում Հայաստանի և Ադրբեջանի միջև բանակցություններ կազմակերպելու պատրաստակամության մասին
Քաղաքականություն
13.10.2023 | 13:48
Ռուսաստանը պատրաստ է աջակցել Հայաստանի և Ադրբեջանի միջև խաղաղության պայմանագրի ստորագրմանը, կարող է բանակցությունների համար ընդունել Մոսկվայում։ Այս մասին հայտարարել է ՌԴ նախագահ Վլադիմիր Պուտինը ԱՊՀ երկրների նախագահների խորհրդի նիստում, գրում է ՏԱՍՍ-ը։
«Օրակարգում խաղաղության պայմանագրի հարցն է, որ վերջակետ դրվի այս երկարամյա հակամարտությանը։ Ռուսական կողմը, իհարկե, պատրաստ է մեր գործընկերներին դրանում ցուցաբերել համակողմանի աջակցություն»,- ասել է Պուտինը՝ նշելով, որ համաձայն են «Մոսկվայում բանակցությունների կազմակերպմանը, եթե պահանջվի, ցանկացած ձևաչափով»։
«Նախ, անհրաժեշտության դեպքում, Ադրբեջանի և Հայաստանի արտաքին գործերի նախարարների և փորձագետների ձևաչափով և, իհարկե, մենք կօգնենք ապահովել, որ այդ բանակցություններն ավարտվեն խաղաղության համաձայնագրով, որը կստորագրեն այդ երկրների ղեկավարները»,- հավելել է ՌԴ նախագահը։
Էմմա Չոբանյան
