Թուրքիայի կառավարության ռազմական գործողությունները Սիրիայում վտանգում են խաղաղ բնակիչներին ու սպառնում խաղաղությանը․ Բայդեն

ԱՄՆ նախագահ Ջո Բայդենը երկարաձգել է ազգային արտակարգ դրությունը՝ կապված Սիրիայում իրավիճակից բխող սպառնալիքի հետ, և նշել, որ Թուրքիայի գործողությունները Սիրիայի հյուսիս-արևելքում խաթարում են «Իսլամական պետությունը» (ԻՊ) ջախջախելու արշավը, վտանգում խաղաղ բնակիչներին և սպառնում խաղաղությանը, անվտանգությանը և կայունությանը տարածաշրջանում:

«Սիրիայում և դրա հետ կապված իրավիճակը, հատկապես՝ Թուրքիաի կառավարության գործողությունները ռազմական հարձակման Սիրիայի հյուսիս-արևելքում, խաթարում են ԻԼԻՊ-ը ջախջախելու արշավը, վտանգի տակ դնում խաղաղ բնակիչներին և հետագայում սպառնում խաթարել խաղաղությունը, անվտանգությունը և կայունությունը տարածաշրջանում, նաև շարունակում է անսովոր և արտակարգ վտանգ ներկայացնել Միացյալ Նահանգների ազգային անվտանգության ու արտաքին քաղաքականության համար»,- ասվում է հայտարարության մեջ։

Նշվում է, որ այդ պատճառով էլ «2019 թվականի հոկտեմբերի 14-ի թիվ 13894 գործադիր հրամանով հայտարարված ազգային արտակարգ դրությունը պետք է շարունակի գործել 2023 թվականի հոկտեմբերի 14-ից հետո»:

Ավելի վաղ Պենտագոնը հայտնել էր, որ հոկտեմբերի 5-ի առավոտյան թուրքական անօդաչուներն ավիահարվածներ են հասցրել սիրիական Հասաքա քաղաքում ամերիկյան զորքերից շուրջ 1 կմ հեռավորության վրա: Մի քանի ժամ անց թուրքական անօդաչուն մոտեցել է ամերիկյան զորքերից կես կիլոմետրից պակաս հեռավորության վրա, ինչը համարվել է սպառնալիք և խոցվել F-16-ի կողմից:

Էմմա Չոբանյան