02.11.2024 | 17:34
ՀՀ առողջապահության և էկոնոմիկայի նախարարները քննարկել են Հայաստանում առողջապահական զբոսաշրջության զարգացման միտումները
HRW-ն Իսրայելին մեղադրում է Գազան և Լիբանանը ռմբակոծելիս սպիտակ ֆոսֆոր օգտագործելու մեջ
Քաղաքականություն
13.10.2023 | 13:10
Human Rights Watch միջազգային իրավապաշտպան կազմակերպությունը պնդում է, որ ապացույցներ է գտել այն մասին, որ իսրայելցի զինվորականները սպիտակ ֆոսֆոր են օգտագործել Գազայի հատվածում և Լիբանանում ռմբակոծությունների ժամանակ, փոխանցում է BBC-ի ռուսական ծառայությունը։
HRW-ը հայտարարում է, որ ստացել և վերլուծել է Գազայում ու Լիբանանում նկարահանված տեսագրությունները, որոնք, ըստ երևույթին, ցույց են տալիս սպիտակ ֆոսֆորով հրետանային արկերի պայթյունը: Բացի այդ, կազմակերպությունն ուշադրություն է հրավիրել Գազայում AFP-ի կողմից արված լուսանկարներին, որոնք ցույց են տալիս երկնքում սպիտակ շերտեր:
«Սպիտակ ֆոսֆորի օգտագործումը Գազայում՝ աշխարհի ամենախիտ բնակեցված վայրերից մեկում, ավելացնում է քաղաքացիական բնակչության համար վտանգը և խախտում միջազգային մարդասիրական իրավունքի արգելքը խաղաղ բնակիչներին անհիմն վտանգի ենթարկելու վերաբերյալ»,- նշում է կազմակերպությունը։
Իսրայելի զինվորականները Reuters-ին հայտնել են, թե «ներկայում տեղյակ չեն Գազայի հատվածում սպիտակ ֆոսֆոր պարունակող զենքի օգտագործման մասին»:
Լիբանանի վերաբերյալ մեկնաբանություններ չեն հնչել։
Էմմա Չոբանյան
