18.03.2026 | 23:19
1-ամյա երեխայի սպանության փորձ կատարելու մեջ մեղադրվող խորթ մայրը կալանավորվեց
ԱՄՆ-ը և Կատարը փոխել են իրենց կարծիքը Իրանին 6 մլրդ դոլարի ակտիվներին հասանելիություն թույլ տալու վերաբերյալ. WP
Քաղաքականություն
13.10.2023 | 13:45
ԱՄՆ-ի և Կատարի իշխանությունները պայմանավորվել են դեռևս Իրանին հասանելիություն չտրամադրել նախկինում ապարգելափակված 6 միլիարդ դոլարի ակտիվներին՝ պաղեստինա-իսրայելական հակամարտության սրման պայմաններում: Այս մասին գրում է The Washington Post-ը՝ վկայակոչելով իր աղբյուրներին։
Պարբերականի զրուցակիցների խոսքով՝ ԱՄՆ կոնգրեսականներին այս որոշման մասին Վաշինգտոնից և Դոհայից հայտնել է ֆինանսների նախարարի առաջին տեղակալ Ադեուալ Ադեյեմոն։ Պաշտոնյան վստահեցրել է Ներկայացուցիչների պալատի դեմոկրատներին, որ այդ միջոցները «շուտով ոչ մի տեղ չեն անհետանա»:
ԱՄՆ պետքարտուղար Էնթոնի Բլինքենը և Ազգային անվտանգության խորհրդի խոսնակ Ջոն Քիրբին չեն հաստատել ԱՄՆ-ի և Կատարի միջև նման համաձայնագրի առկայության մասին տեղեկությունը։ Սակայն Բլինքենը պարզաբանել է, որ ԱՄՆ-ը պահպանում է իրանական ակտիվները սառեցնելու իրավունքը։
Մինչդեռ, Իրանի Ազգային անվտանգության բարձրագույն խորհրդին մոտ համարվող Nournews լրատվականը գրում է, որ Թեհրանին դեռևս հասանելի են իր ակտիվները, որոնք ԱՄՆ-ն ազատ է արձակել բանտարկյալների փոխանակման գործարքի շրջանակում։
