15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Սպիտակ տունը կենտրոնանալու է ամերիկացի պատանդների, հումանիտար միջանցքների և Իսրայելի ռազմական արձագանքի ուղղությամբ
Քաղաքականություն
12.10.2023 | 22:04
ԱՄՆ նախագահի ազգային անվտանգության գծով օգնականի տեղակալ Ջոն Ֆայները CNN-ին տված հարցազրույցում ասել է, որ Բայդենի վարչակազմը շարունակում է իր ուշադրության կենտրոնում պահել ամերիկացի պատանդների կարգավիճակի, հումանիտար միջանցքների և անվտանգ գոտիների տարբերակների հարցերը, ինչպես նաև հետևում է Իսրայելի պատասխան գործողություններին։
ՀԱՄԱՍ-ի կողմից գերեվարված ամերիկացիները գլխավոր առաջնահերթություններից են մնում, հայտարարել է Ֆայները։ Նա, սակայն, հրաժարվել է գերիների թվի կամ նրանց կարգավիճակի մասին որևէ տեղեկություն հաղորդել։
Ֆայների խոսքով՝ ԱՄՆ-ն փորձագետների է ուղարկել տարածաշրջան՝ խորհրդակցելու իսրայելցի գործընկերների հետ, առաջին հերթին, պատանդներին վերադարձնելու հարցերի շուրջ։
ԱՄՆ-ը և Իսրայելը նույնպես երկխոսություն են վարում հումանիտար միջանցքների շուրջ, հավելել է նա։
«Մենք քննարկում ենք այնպիսի տարբերակներ, ինչպիսիք են հումանիտար միջանցքները և անվտանգ գոտիները, տարբերակներ, թե ինչպես մարդիկ կարող են դուրս գալ Գազայից, եթե կարողանան: Նախագահը հասկացրել է, որ այնպիսի ժողովրդավար երկրներ, ինչպիսիք են Միացյալ Նահանգները և Իսրայելը, ամենաուժեղն են, երբ գործում են օրենքի գերակայության և պատերազմի օրենքների համաձայն»,- ասել է Ջոն Ֆայները:
