15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Գազայից դուրս գալը գրեթե անհնար է․ BBC
Քաղաքականություն
12.10.2023 | 16:31
Իսրայելցի զինվորականները երեքշաբթի Գազայի բնակիչներին առաջարկել են լքել հակամարտության գոտին՝ ՀԱՄԱՍ-ի թիրախներին իսրայելական բանակի կողմից առաջիկա պատասխան հարվածների հետ կապված:
Սակայն Ռաֆահ անցակետը, որը միակն է Գազայի և Եգիպտոսի սահմանին, մեկ օր անց փակվել է, իսկ հետո այն ենթարկվել է իսրայելական օդուժի հարձակմանը։ Անցակետը փակվել է Եգիպտոսի իշխանությունների կողմից։ Այժմ շատ դժվար է, եթե չասել՝ անհնար է դրա միջոցով հեռանալ Գազայից։
Իսրայելի և Գազայի սահմանը նույնպես փակ է. Իսրայելի ռազմածովային ուժերը վերահսկում են առափնյա գիծը, ուստի նավով հեռանալը նույնպես հնարավոր չէ։ Այժմ Գազայից դուրս գալը գրեթե անհնար է, գրում է BBC-ի ռուաական ծառայությունը։
Կարմիր Խաչի միջազգային կոմիտեի բարձրաստիճան պաշտոնյա Ֆաբրիցիո Կարբոնին ասել է, որ Գազայի հատվածում հումանիտար իրավիճակն «արագորեն կդառնա անկառավարելի»։
