15.01.2026 | 23:03
Ֆուտզալի Հայաստանի հավաքականի հերթական հաղթանակը
Թուրքիան և ՌԴ-ն առաջիկայում կկազմեն գազային հանգույցի ճանապարհային քարտեզը
Քաղաքականություն
12.10.2023 | 16:18
Թուրքիան և ռուսական «Գազպրոմ» ընկերությունը պայմանավորվել են առաջիկայում կազմել գազային հանգույցի ճանապարհային քարտեզն ու սկսել նախագծի իրականացման աշխատանքները։ ՌԻԱ Նովոստիի փոխանցմամբ՝ այս մասին հայտարարել է Թուրքիայի էներգետիկայի նախարար Ալփարսլան Բայրաքթարը, որը մասնակցում է Ռուսական էներգետիկ շաբաթվա միջոցառումներին։
««Գազպրոմի» հետ մեր բանակցությունների ընթացքում որոշել ենք մոտ ապագայում, փոխադարձ համաձայնությամբ, կազմել ճանապարհային քարտեզ և ապագայում համատեղ իրականացնել բնական գազի կենտրոնի իրականացման հետ կապված աշխատանքները։ Մենք պայմանավորվել ենք այս հարցում»,- ասել է թուրք նախարարը։
Նախօրեին ՌԴ նախագահ Վլադիմիր Պուտինը նշել էր, որ Ռուսաստանը մեծ խնդիրներ չի տեսնում հարթակի ստեղծման հարցում, քանի որ և՛ Թուրքիան, և՛ ՌԴ-ն հետաքրքրված են այս նախագծով։ Բացի այդ, Ադրբեջանը նույնպես հետաքրքրություն է ցուցաբերում գազային հանգույցի նկատմամբ։
Հավելենք, որ Թուրքիայի և ՌԴ-ի նախագահներ Ռեջեփ Թայիփ Էրդողանն ու Վլադիմիր Պուտինն ավելի վաղ հանձնարարել էին շտապ մշակել Թուրքիայում գազային հանգույցի ստեղծման նախագիծ, որով Ռուսաստանը կարող է գազի տարանցումը Հյուսիսային հոսքերից տեղափոխել դեպի Սևծովյան տարածաշրջան և Թուրքիա։ Էրդողանը նաև ասել էր, որ Եվրոպան կարող է ռուսական գազ ստանալ Թուրքիայի տարածքով։
Էմմա Չոբանյան
