07.10.2026 | 23:48
Արթուր Դանիելյանը կալանավորվեց
Ալիևը Բաքվում ընդունել է ԱՊՀ երկրների հատուկ ծառայությունների ղեկավարներին
Քաղաքականություն
11.10.2023 | 15:38
Ադրբեջանի նախագահ Իլհամ Ալիևը Բաքվում ընդունել է ԱՊՀ անդամ պետությունների անվտանգության մարմինների և հատուկ ծառայությունների ղեկավարների խորհրդի 53-րդ նիստի մասնակիցներին։
Ադրբեջանական կողմի փոխանցմամբ՝ մասնակիցների թվում են ՌԴ Անվտանգության դաշնային ծառայության տնօրեն, ԱՊՀ պետությունների անվտանգության մարմինների և հատուկ ծառայությունների ղեկավարների խորհրդի նախագահ Ալեքսանդր Բորտնիկովը, ՌԴ արտաքին հետախուզության ծառայության տնօրեն Սերգեյ Նարիշկինը, Բելառուսի Պետական անվտանգության կոմիտեի նախագահ Իվան Տերտելը, Ղազախստանի ազգային անվտանգության կոմիտեի նախագահ Էրմեկ Սագիմբաևը, Ղրղզստանի փոխվարչապետ, Ազգային անվտանգության պետական կոմիտեի նախագահ Կամչիբեկ Տաշիևը, Ուզբեկստանի պետական անվտանգության ծառայության նախագահ Աբդուսալոմ Ազիզովը, Տաջիկստանի ազգային անվտանգության պետական կոմիտեի նախագահ Սաիմումին Յաթիմովը, ԱՊՀ անդամ պետությունների հակաահաբեկչական կենտրոնի ղեկավար Եվգենի Սիսոևը։
Հանդիպումից այլ մանրամասներ չեն հաղորդվում։
Հավելենք, որ երեկ Ալիևը ընդունել էր Բաքվում այցով գտնվող ՌԴ Անվտանգության խորհրդի քարտուղար Նիկոլայ Պատրուշևին։
