16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Փանիկում տեղի ունեցածը միջադեպ չէ, այլ ահաբեկչական ակտ՝ խաղաղ բնակչության դեմ․ Արթուր Սաքունց․ ՏԵՍԱՆՅՈՒԹ
Քաղաքականություն
23.07.2018 | 15:04
Հելսինկյան քաղաքացիական ասամբլեայի Վանաձորի գրասենյակի նախագահ Արթուր Սաքունցի համոզմամբ՝ Փանիկում տեղի ունեցածը միջադեպ չէ, այլ ահաբեկչական ակտ՝ խաղաղ բնակչության դեմ։
Այս մասին այսօր հրավիրված «Աղմուկ Փանիկի միջադեպի շուրջ․ արդյոք պե՞տք է վերանայել 102-րդ ռուսական ռազմաբազայի տեղակայման պայմանները» քննարկման ժամանակ ասաց նա՝ ընդգծելով, որ կատարվածի արդունքում խախտվել են բնակիչների իրավունքները։
«Իրավական լուրջ խնդիրներ կան, խոսքը վերաբերում է նրան, որ ՀՀ-ի քաղաքացիները, որոնք ծառայության են անցնում ռուսական ռազմաբազայում կամ սահմանապահ զորքերում, նրանց իրավական պաշտպանվածության վիճակը խիստ խոցելի է։ Մյուս խնդիրը վերաբերում է ՀՀ քաղաքացիների անվտանգությանը, կան խնդիրներ նաև կապված ռուսական բազայի հարակից բնակավայրերի բնակիչների ցանքատարածությունների ոչնչացման հետ, որոնց հիմա ավելացավ նաև ճանապարհների խնդիրը»,- ասաց նա:
Արթուր Սաքունցի համոզմամբ՝ պետք է ուսումնասիրվի նաև ՀՀ պետական բյուջեից ռազմաբազային հատկացվող միջոցների արդյունավետությունը՝ ռազմաբազայում կատարելով լուրջ աուդիտ և մոնիթորինգ։
«ՀՀ քաղաքացիների անվտանգությունը պետք է պաշտպանված լինի ռուսական զորքերի ոտնձգություններից, իսկ դրա համար պետք է արդյունավետ մեխանիզմներ ամրագրված լինեն միջպետական համաձայնագրերով»,- ասաց նա։
Մանրամասները՝ տեսանյութում։
