07.09.2026 | 17:42
Բաքուն Սոթքի հանքավայրի ադրբեջանական հատվածում իրականացրել է առաջին հորատապայթեցման աշխատանքները
2016 թ. ապրիլյան ագրեսիայի սցենարի կրկնվելու դեպքում հայկական կողմը կարող է և չդիմանա Ադրբեջանի դեմ իր ամբողջ զինանոցը կիրառելու «գայթակղությանը». Դավիթ Տոնոյանը՝ EADaily-ին
Քաղաքականություն
23.07.2018 | 15:19
Հայաստանի պաշտպանության ոլորտի խնդիրների, մարտական ավիացիան զարգացնելու ծրագրերի, ինչպես նաև ԼՂ հակամարտության գոտում և հայ-ադրբեջանական սահմանին ռազմական լարվածության աճի մասին EADaily-ի թղթակիցը զրուցել է ՀՀ պաշտպանության նախարար Դավիթ Տոնոյանի հետ:
ՀՀ պաշտպանության նախարարը խոսելով ԼՂ հակամարտությունից նշել է. «Հայաստանը Արցախի ֆիզիկական անվտանգության երաշխավորն է: Դրանից ելնելով `մեր Զինված ուժերը, համատեղ նախաձեռնողական արտաքին քաղաքականությամբ, կոչված է ապահովելու բանակցային պայմանները Լեռնային Ղարաբաղի հակամարտության կարգավորման գործընթացում: Հաշվի առնելով հակառակորդի բացահայտ ռազմատենչ հռետորաբանությունը և հակամարտությունը ուժի կիրառմամբ լուծելու մասին մշտական հայտարարությունները, Հայաստանի ԶՈՒ-ն պետք է ապահովի հակառակորդի նկատմամբ սթափեցնող ազդեցությունն ու խթանի Արցախի պաշտպանության բանակի՝ հակառակորդի ագրեսիան սանձելու գործողություններին»:
Հարցին՝ որքանո՞վ է իրատեսական Ադրբեջանի կողմից խոշոր ռազմական գործողությունների վերսկսման սպառնալիքը, Դավիթ Տոնոյանը պատասխանել է. «Լայնածավալ ռազմական գործողությունների վերսկսման հավանականությունը միշտ է մեծ ՝ հաշվի առնելով բանակցային գործընթացում Բաքվի մաքսիմալիստական պահանջները: Հատկապես մտահոգիչ է Նախիջևանի տարածքում ադրբեջանական զորքերի ակտիվացումը: Այդ հատվածում ռազմական սադրանքի ցանկացած դրսևորում հղի է մեծ ճգնաժամի հրահրմամբ, որը կանդրադառնա նաև տարածաշրջանային այլ խաղացողների վրա: Միևնույն ժամանակ, հաշվի առնելով Հայաստանի կառուցողական դիրքորոշումը, չեմ ցանկանում, որ ձեզ մոտ տպավորություն ստեղծվի, թե Հայաստանը խաղաղություն խնդրողի դերում է: Ադրբեջանական կողմին խորհուրդ եմ տալիս այդքան վստահ չլինել, թե վերահսկում է ռազմական իրավիճակի սրմանը: Այսինքն՝ Ադրբեջանի կողմից ռազմական գործողությունների վերսկսման դեպքում չի լինի այնպես, որ միջնորդներին կհաջողվի հայկական կողմին համոզել դադարեցնել պատասխան պատժիչ գործողությունները: 2016 թվականի ապրիլյան ագրեսիայի սցենարի կրկնվելու դեպքում հայկական կողմը կարող է և չդիմանա իր ամբողջ զինանոցը կիրառելու «գայթակղությանը»՝ հակառակորդին վճռական և մասշտաբային հակազդելու հարցում»,- ասել է ՀՀ պաշտպանության նախարարը:
