13.08.2026 | 22:13
Երթևեկության կազմակերպման փոփոխություն՝ Երևանում
Վաչագան Ղազարյանը դեռ անազատության մեջ է․ Ռոբսոնը կվճարի՞ անհրաժեշտ 1 միլիարդը
Հասարակություն
23.07.2018 | 14:12
Պետական պահպանության ծառայության պետի նախկին առաջին տեղակալ, Հայաստանի երրորդ նախագահ Սերժ Սարգսյանի թիկնազորի նախկին պետ Վաչագան Ղազարյանը դեռ անազատության մեջ է։ Այս մասին Factor.am-ին հայտնեց Ղազարյանի փաստաբան Արմեն Հարությունյանը։
Չնայած նրան, որ Վերաքննիչ քրեական դատարանը որոշում է կայացրել 1 միլիարդ դրամ գրավի դիմաց ազատ արձակել Ղազարյանին, նա կմնա կալանքի տակ, քանի որ գումարը վճարված չէ։ Մամուլում հրապարակում կար, որ «Ռոբսոն» մականվամբ հայտնի ռուսաստանաբնակ գործարար Ռուբեն Թաթուլյանը գալիս է Հայաստան և պատրաստվում է վճարել Վաչագան Ղազարյանի ազատման համար անհրաժեշտ գումարը։
Փաստաբանից փորձեցինք ճշտել, արդյոք Թաթուլյանը փորձե՞լ է կապ հաստատել իր հետ, կամ արդյոք նման քննարկում եղե՞լ է իրենց միջև: «Ես չեմ ուզում որևէ բան մեկնաբանել, տեղեկություններ չունեմ, թե ինչի մասին եք խոսում»,- արձագանքեց փաստաբանը։
Հիշեցնենք, որ Վաչագան Ղազարյանին մեղադրանք է առաջադրվել Բարձրաստիճան պաշտոնատար անձանց էթիկայի հանձնաժողով ներկայացրած հայտարարագրերում իր ունեցած դրամական միջոցների իրական չափի մասին հայտարարագրման ենթակա տվյալները թաքցնելու, ինչպես նաև ապօրինի հարստանալու համար:
Լիլիթ Շաբոյան
