15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Բայրամովը Իրանի ԱԳ փոխնախարարի հետ քննարկել է տարածաշրջանում իրավիճակը
Քաղաքականություն
10.10.2023 | 13:19
Ադրբեջանի ԱԳ նախարար Ջեյհուն Բայրամովն ընդունել է Իրանի ԱԳ փոխնախարար Մեհդի Սաֆարիին, որը ժամանել է Բաքու՝ մասնակցելու Տնտեսական համագործակցության կազմակերպության նախարարների խորհրդի 27-րդ նիստին։
Նշվում է, որ կողմերը քննարկել են ադրբեջանա-իրանական հարաբերությունների օրակարգային մի շարք հարցեր, մտքերի փոխանակություն է տեղի ունեցել Հյուսիս-Հարավ տրանսպորտային միջանցքի իրականացման, ինչպես նաև Իրանի տարածքով Նախիջևանը Ադրբեջանին կապող նախագծի շուրջ։
Ըստ Բաքվի ԱԳՆ-ի՝ քննարկվել են նաև ԼՂ-ում Ադրբեջանի իրականացրած ռազմական գործողությանն առնչվող հարցեր։ Հանդիպման ընթացքում մտքեր են փոխանակվել նաև տարածաշրջանային այլ հարցերի շուրջ։
