16.03.2026 | 00:04
Ըմբիշ Սուրեն Աղաջանյանը դարձել է Եվրոպայի Մ-23 չեմպիոն․ ՏԵՍԱՆՅՈՒԹ
Էրդողանը կրկին խոսել է «Զանգեզուրի միջանցքից»
Քաղաքականություն
10.10.2023 | 11:55
Թուրքիայի նախագահ Ռեջեփ Թայիփ Էրդողանը նախօրեի երեկոյան կառավարության նիստից հետո իր ուղերձում անդրադարձել է նաև Հայաստանի հետ հարաբերություններին և, այսպես կոչված, «Զանգեզուրի միջանցքին»։
«Մենք ևս մեկ անգամ շնորհավորում ենք Ղարաբաղում մեր ադրբեջանցի եղբայրների վճռական և խիզախ պայքարով ձեռք բերված հաղթանակը։ Կցանկանայի կրկնել, որ մենք պատրաստ ենք քայլ առ քայլ զարգացնել մեր հարաբերությունները Հայաստանի հետ, եթե նա կատարի իր խոստումները, հատկապես՝ «Զանգեզուրի միջանցքի» բացումը»,- ասել է Էրդողանը։
Հայկական կողմը մինչ այս պարբերաբար ընդգծել է, որ սեփական տարածքով անցնող միջանցքներ չի խոստացել ու նման պարտավորություն չունի։
Էրդողանը նաև կոչ է արել՝ ուղղված Իրանին՝ «համատեղ գործել այդ պատմական նախագծում, որը ճանապարհ կհարթի քաղաքական և տնտեսական քայլերի համար, որոնք իրենց հերթին կապահովեն խաղաղություն և հանգստություն տարածաշրջանում»։
