Անկարան հաստատում է, որ Սիրիայում ԱՄՆ-ի կողմից խոցված ԱԹՍ-ն պատկանում է Թուրքիային

Թուրքիայի ԱԳՆ-ն հաստատել է, որ նախօրեին Սիրիայի հյուսիս-արևելքում ԱՄՆ-ի կողմից խոցված անօդաչու թռչող սարքը պատկանել է Թուրքիային։ Միաժամանակ, Անկարան նշում է, որ  որ միջադեպը չի ազդել տարածաշրջանում քրդական զինյալների դեմ թուրքական զինուժի կողմից իրականացվող գործող գործողությունների վրա, գրում է Turkish Minute-ը։

Ի դեպ, ուշագրավ է, որ հայտարարությունն արվում է Թուրքիայի ԱԳՆ-ի, ոչ թե ՊՆ-ի կողմից։ ԱԳՆ-ն նշում է, որ SIHA-ն (մարտական ​​անօդաչու թռչող սարք) կորել է տարբեր տեխնիկական գնահատականների պատճառով, որը նպատակ ուներ խուսափել տարածաշրջանում երրորդ կողմերի հետ հակամարտությունից՝ հավելելով, որ ավելի արդյունավետ միջոցներ կձեռնարկվեն։

Հայտարարության մեջ ԱՄՆ-ի վերաբերյալ որևէ ուղղակի հղում չկա։

Թուրքիայի ԱԳՆ-ն նշում է, որ միջադեպը չի ազդել Սիրիայում PKK-ի և քրդական Ժողովրդական պաշտպանության միավորումների (YPG) թիրախների դեմ շարունակվող ռազմական գործողության վրա, ինչպես նաև նրանց հարվածելու՝ թուրք զինվորականների վճռականության վրա։

Հավելենք, որ Պենտագոնի խոսնակ, բրիգադի գեներալ Փեթ Ռայդերն ավելի վաղ հայտնել էր, որ հոկտեմբերի 5-ի առավոտյան տեսել են, որ թուրքական անօդաչուներն ավիահարվածներ են հասցնում սիրիական Հասաքա քաղաքում՝ ամերիկյան զորքերից շուրրջ մեկ կմ հեռավորության վրա: Մի քանի ժամ անց թուրքական անօդաչուն մոտեցել է ամերիկյան զորքերից կես կիլոմետրից պակաս հեռավորության վրա, համարվել է սպառնալիք և խոցվել F-16-ի կողմից:

ԱՄՆ պաշտպանության նախարար Լլոյդ Օսթինն էլ միջադեպի մասին խոսել է Թուրքիայի ՊՆ ղեկավար Յաշար Գյուլերի հետ։

Էմմա Չոբանյան