16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ռուսական Lukoil-ն ադրբեջանական SOCAR-ին 1,5 մլրդ դոլարի վարկ կտրամադրի
Քաղաքականություն
06.10.2023 | 23:05
Ռուսական Lukoil նավթային ընկերությունը 1,5 միլիարդ դոլարի վարկ կտրամադրի Ադրբեջանի պետական նավթային SOCAR ընկերությանը, գրում են ադրբեջանական լրատվամիջոցները։
Բացի այդ, Lukoil սկսելու է ռուսական հում նավթի մատակարարումները STAR նավթավերամշակման գործարանին, որը SOCAR-ի ակտիվն է Թուրքիայում։ Ներկայում գործարանի վերամշակման հզորությունը կազմում է օրական 200 հազար բարել։
Նշենք, որ այս ամառ STAR նավթավերամշակման գործարանը դադարեցրել էր ռուսական հում նավթի ներկրումը Ռուսաստանի հետ առևտրի դժվարությունների պատճառով՝ միջազգային ֆինանսական պատժամիջոցների հետևանքով, և այն փոխարինել ղազախական KEBCO նավթով։
Ըստ համաձայնագրի՝ հոկտեմբերից Lukoil-ը սկսելու է STAR նավթավերամշակման գործարանին օրական մոտ 100 հազար բարել «Ural» նավթ մատակարարել։ Սա նավթավերամշակման գործարանի հզորության կեսն է:
«Azure Celeste», «Ocean Faye» և «Sea Fidelity» երեք նավթատարները Պրիմորսկից Թուրքիա են մեկնել սեպտեմբերի վերջին հոկտեմբերի սկզբին՝ 100 հազար տոննա նավթի բեռնումից հետո։ Դա նոր պայմանագրով մատակարարումների առաջին խմբաքանակն է։
Էմմա Չոբանյան
