24.07.2026 | 14:40
Պենտագոնը ՌԴ 33 համալսարան և հետազոտական ինստիտուտ ԱՄՆ-ի ազգային անվտանգությանը սպառնալիք է ճանաչել
Պուտինը հայտնել է, որ Պրիգոժինի ինքնաթիռում գտնվածների մարմիններում նռնակի բեկորներ են հայտնաբերվել
Քաղաքականություն
06.10.2023 | 17:34
Ռուսաստանի նախագահ Վլադիմիր Պուտինը ենթադրություն է հայտնել, որ «Վագներ» մասնավոր ռազմականացված խմբավորման ղեկավար Եվգենի Պրիգոժինի ինքնաթիռի վթարի պատճառը եղել է ձեռքի նռնակների պայթյունը, այլ ոչ թե հրթիռային հարձակումը, գրում է VOA-ն։
«Ինքնաթիռի վթարի հետևանքով զոհվածների մարմիններում ձեռքի նռնակների բեկորներ են հայտնաբերվել»,- ասել է Պուտինը Սոչիում «Վալդայ» քննարկման ակումբի հանդիպման ժամանակ։
Նա նաև հայտնել է, որ այդ մասին օրեր առաջ իրեն զեկուցել է Քննչական կոմիտեի ղեկավարը։
«Ինքնաթիռի վրա արտաքին ազդեցություն չի եղել, սա արդեն հաստատված փաստ է»,- հայտարարել է Պուտինը։
Վթարից անմիջապես հետո ԱՄՆ-ի անանուն պաշտոնյաները հայտարարել են, որ կարծում են, որ ինքնաթիռը խոցվել է:
Արևմտյան որոշ պաշտոնյաներ ենթադրում են, որ Պուտինը հրամայել է սպանել Պրիգոժինին այն բանից հետո, երբ հունիսին «Վագներ» խմբի ղեկավարը Կրեմլի դեմ կարճատև ապստամբություն ձեռնարկեց։
