Քաղաքականություն
05.10.2023 | 15:07
Եվրոպայի խորհրդի Խորհրդարանական վեհաժողովն ու Եվրոպայի խորհրդի Նախարարների կոմիտեն համատեղ նիստ են անցկացնելու՝ Լեռնային Ղարաբաղում իրավիճակը քննարկելու համար։ Այս մասին հայտնում է Եվրոպայի խորհրդում Հայաստանի մշտական ներկայացուցչությունը։
«Խորհրդարանական վեհաժողովը և Եվրոպայի խորհրդի Նախարարների կոմիտեն հոկտեմբերի 10-ին կհրավիրեն համատեղ հանձնաժողովի նիստ՝ քննարկելու Լեռնային Ղարաբաղի հայերի մարդու իրավունքների և մարդասիրական իրավիճակն ու Ադրբեջանի միջազգային պարտավորությունները»,- ասվում է Հայաստանի մշտական ներկայացուցչության X-ում հրապարակված հաղորդագրությունում։
Համատեղ կոմիտեի հանդիպումը նախաձեռնել է ԵԽԽՎ նախագահ Թինի Քոկսը։ Նախարարների կոմիտեն հոկտեմբերի 4-ի որոշմամբ հավանություն է տվել հանդիպում անցկացնելու առաջարկին և օրակարգին։
Համատեղ կոմիտեի գործառույթն է քննարկել այն խնդիրները, որոնք ընդհանուր են նախարարների կոմիտեի և Խորհրդարանական վեհաժողովի համար, և խթանել այս երկու մարմինների կողմից ընդունված առաջարկությունների գործնական իրականացման հնարավորությունները:
Էմմա Չոբանյան
