16.03.2026 | 00:04
Ըմբիշ Սուրեն Աղաջանյանը դարձել է Եվրոպայի Մ-23 չեմպիոն․ ՏԵՍԱՆՅՈՒԹ
Անհրաժեշտ է զբաղվել արցախցիների գույքային իրավունքների պաշտպանությամբ․ Անահիտ Մանասյան․ ՏԵՍԱՆՅՈՒԹ
Քաղաքականություն
03.10.2023 | 21:02
Արցախից բռնի տեղահանված քաղաքացիների Հայաստան տեղափոխման ընթացքում Հայաստանի մարդու իրավունքների պաշտպանի աշխատակազմը եղել է Կոռնիձորում, Գորիսում և Վայքում, փաստահավաք գործունեություն իրականացրել, զրույցներ ունեցել տեղահանված քաղաքացիների հետ։
Անահիտ Մանասյանը ևս պարբերաբար եղել է այս վայրերում և տեղում ծանոթացել տիրող իրավիճակին։ Factor TV-ի հետ զրույցում Անահիտ Մանասյանն անդրադարձել է տեղահանված անձանց հիմնարար իրավունքների խախտումներին, գույքային և այլ իրավունքների վերականգնման մեխանիզմներին, տեղահանված անձանց կարգավիճակին առնչվող և այլ հարցերի։
Հատկապես Լաչինի միջանցքի արգելափակման պահից սկսած՝ չկա մի հիմնարար իրավունք, որը խախտված չլինի, ասում է Անահիտ Մանասյանը։
Մարդու իրավունքների պաշտպանը խոսել է նաև Հռոմի կանոնադրության (Հռոմի ստատուտ) վավերացման գործընթացից։
Խոսելով Հռոմի ստատուտի վավերացման գործընթացից՝ Անահիտ Մանասյանը նշեց, որ որևէ իրավական գործիք երբևէ չի կարող միակ և բացառիկ միջոցը լինել՝ խնդիրները լուծելու համար, բայց ցանկացած իրավական գործիք կարող է որոշակի չափով նպաստել խնդիրների լուծմանը, եթե իհարկե այդ գործիքները պատշաճ և ճիշտ են օգտագործվում։
«Չեմ կարծում, որ ստատուտի վավերացումը մեզ կարող էր փրկել Էթնիկ զտման ամբողջ քաղաքականությունից, բայց նաև կարևոր եմ համարում, որ բոլոր իրավական գործիքները պատշաճ մակարդակով օգտագործվեն՝ թե՛ պատասխանատվության ենթարկելու մեխանիզմների, թե՛ նմանատիպ արարքները հետագայում կանխելու տեսանկյունից»,- ասաց Մանասյանը։
Հարցազրույցն ամբողջությամբ՝ տեսանյութում։
Արաքս Մամուլյան
