12.01.2025 | 19:12
Հայտնաբերվել է պատերազմում նահատակված Արմեն Գասպարյանի տնից գողություն կատարելու մեջ կասկածվող անձը
«Թրանսփերենսի Ինթերնեշնլ-Ռուսաստան»-ը լքում է ՌԴ-ն
Քաղաքականություն
03.10.2023 | 23:12
Հակակոռուպցիոն փորձագետների «Թրանսփերենսի Ինթերնեշնլ-Ռուսաստան» (TI-R) կազմակերպությունը հայտարարել է ռուսական իրավաբանական անձի լուծարման և Ռուսաստանի Դաշնությունից դուրս աշխատանքի վերսկսման մասին, գրում է DW-ի ռուսական ծառայությունը։
Մարտին Ռուսաստանի Գլխավոր դատախազությունն «անցանկալի կազմակերպություն» է ճանաչել «Թրանսփարենսի Ինթերնեշնլ» (TI) միջազգային հակակոռուպցիոն շարժումը, որի կենտրոնակայանը գտնվում է Բեռլինում։ Ռուսաստանի իշխանությունների այս որոշումն անապահով է դարձրել կազմակերպության ռուսական մասնաճյուղի աշխատանքը, ասվում է TI-R-ի հայտարարության մեջ, որը 1999 թվականից գործում է Ռուսաստանում։
«Հակակոռուպցիոն ոլորտում մեր կուտակած փորձն ու գիտելիքները գրեթե քառորդ դար պարզապես չեն կարող վերանալ, ուստի մենք որոշել ենք վերսկսել աշխատանքը Ռուսաստանից դուրս նոր ձևաչափով։ Մենք շարունակում ենք և կշարունակենք մեր աշխատանքը Ռուսաստանում կոռուպցիայի դեմ քաղաքացիական հակազդման ուղղությամբ և պահպանելով թափանցիկության, հաշվետվողականության, ազնվության սկզբունքները»,- ասվում է հաղորդագրությունում։
Կազմակերպության թիմը, որը գտնվում է Ռուսաստանի սահմաններից դուրս, պաշտոնական հավատարմագրում է ստացել որպես «TI-ի ռուսական մասնաճյուղ վտարանդիում»։
