26.04.2026 | 18:54
Գերմանիայում հետաքննում են ընդդեմ Բունդեսթագի կազմակերպված ֆիշինգային հարձակումները՝ Signal-ի միջոցով
Ոստիկանների դեմ սուտ ցուցմունք տալու մեջ մեղադրվողն արդարացվեց. ՀՔԱՎ
Հասարակություն
20.07.2018 | 16:57
2018 թ. հուլիսի 18-ին Երևան քաղաքի ընդհանուր իրավասության դատարանը, դատավոր Արթուր Մկրտչյանի նախագահությամբ, արդարացրեց ոստիկանների դեմ սուտ ցուցմունք տալու մեջ մեղադրվող Արման Հովսեփյանին:
Նա ՀՀ ոստիկանության Դիլիջանի բաժնի քրեական հետախուզության բաժանմունքի աշխատակիցների՝ իրեն ծեծելու մասին հանցագործության հաղորդում է ներկայացրել 2017 թ. ապրիլի 19-ին, որով հայտնել է, որ ոստիկանները բռնություն են կիրառել իր նկատմամբ 2016 թ. հոկտեմբերին, երբ նախկին կնոջ ահազանգով եկել էին իրենց տուն:
Սրանով ոստիկաններին մեղադրել է ՀՀ Քրեական օրենսգրքի 309-րդ հոդվածի 2-րդ մասով նախատեսված ծանր հանցագործություն կատարելու, այն է՝ պաշտոնատար անձանց կողմից բռնության գործադրմամբ զուգորդված պաշտոնեական լիազորություններն անցնելու մեջ:
Ոստիկանների նկատմամբ հարուցված քրեական գործը ավելի ուշ՝ 2017թ. հունիսի 19-ին կարճվել է՝ հանցագործության դեպքի բացակայության հիմքով:
Իսկ Արման Հովսեփյանին մեղադրանք է առաջադրվել ՀՀ Քրեական օրենսգրքի 333-րդ հոդվածով նախատեսված հանցագործության՝ սուտ մատնություն անելու մեջ:
