30.04.2026 | 22:58
«Նուբարաշեն-Արին-Բերդ» ջրատարի վթարման հետևանքով Երևանի և Արարատի մարզի մի շարք հասցեներում 21 ժամ ջուր չի լինի
Հայտնի է, թե Բաքուն ինչ հոդվածով է մեղադրանք առաջադրել Լևոն Մնացականյանին
Քաղաքականություն
30.09.2023 | 17:38
Ադրբեջանական լրատվամիջոցները, հղում անելով Ադրբեջանի գլխավոր դատախազության մամուլի ծառայությանը, մանրամասներ են հաղորդել 2015-2018 ՊԲ հրամանատարի պաշտոնը զբաղեցրած Լևոն Մնացականյանին առաջադրված մեղադրանքի մասին։
Ըստ հաղորդագրության՝ Մնացականյանը «2002 թ. մայիսի 8-ին, մի խումբ անձանց հետ համաձայնության գալով, Ալխանլը գյուղի տարածքում գերի է վերցրել Մամեդով Իլհամ Յուսիֆ օղլուին և այլ ադրբեջանցիների, նրանց նկատմամբ կիրառել է դաժան խոշտանգումներ»:
2006 թվականի նոյեմբերի 8-ին որոշում է կայացվել Լևոն Մնացականյանին որպես մեղադրյալ ներգրավել Ադրբեջանի Հանրապետության քրեական օրենսգրքի 113-րդ հոդվածով (խոշտանգում)․ նույն թվականի նոյեմբերի 14-ին Ինտերպոլի Ազգային կենտրոնական բյուրոյի միջոցով նրա նկատմամբ հայտարարվել է միջազգային հետախուզում ՝ որպես խափանման միջոց ընտրելով կալանավորումը։ Սեպտեմբերի 29-ին Լևոն Մնացականյանը Հայաստանի ուղղությամբ «Լաչին» անցակետը հատելու փորձի ժամանակ ձերբակալվել և հանձնվել է քննությանը, նույն օրը նրան մեղադրանք է առաջադրվել նշված հոդվածով»,- ասված է գերատեսչության հաղորդագրությունում:
