Քաղաքականություն
29.09.2023 | 22:58
Չինաստանը փորձում է շրջանցել ԱՄՆ-ին՝ դառնալով աշխարհի առաջատար տերություն, ասել է ԱՄՆ պետքարտուղար !!Էնթոնի Բլինքենը՝ նոր նախազգուշացում տալով Թայվանի հետ կապված, գրում է VOA-ն։
ԱՄՆ-ի վերջին մի քանի նախագահներ Չինաստանը նշել են որպես Միացյալ Նահանգների գլխավոր երկարաժամկետ մարտահրավեր: Այնուամենայնիվ, որոշ վերլուծաբաններ կարծում են, որ Պեկինի հավակնություններն ավելի շատ ուղղված են Ասիայում Վաշինգտոնի ազդեցության թուլացմանը, քան որևէ համաշխարհային դերակատարության:
Atlantic ամսագրի ֆորումում Չինաստանի մտադրությունների մասին հարցին Բլինքենն ասել է. «Կարծում եմ, որ այն նպատակ ունի դառնալ գերիշխող ուժ աշխարհում՝ ռազմական, տնտեսական, դիվանագիտական առումով։ Սա հենց այն է, ինչին ձգտում է [Չինաստանի նախագահ] Սի Ցզինպինը»:
Պետքարտուղարի խոսքով՝ Թայվանի հետ խաղադրույքները չափազանց մեծ են համաշխարհային տնտեսության մեջ նրա դերի պատճառով, ներառյալ՝ որպես առաջադեմ կիսահաղորդիչների արտադրական հանգույց:
«Եթե Չինաստանի գործողությունները հանգեցնեն Թայվանի շուրջ ճգնաժամի, դա համաշխարհային տնտեսական ճգնաժամ կառաջացնի»,- ասել է Բլինքենը:
