15.01.2026 | 23:03
Ֆուտզալի Հայաստանի հավաքականի հերթական հաղթանակը
Ուկրաինային հատկացվող օգնությունը գերազանցել է 80 միլիարդ եվրոն. ԵՀ նախագահ
Քաղաքականություն
29.09.2023 | 22:35
Եվրամիությունը Ուկրաինային տրամադրել է 81 միլիարդ եվրոյի տարատեսակ օգնություն՝ Ռուսաստանի լայնածավալ ներխուժման մեկնարկից ի վեր: Այս մասին Եվրահանձնաժողովի նախագահ Ուրսուլա ֆոն դեր Լեյենը, հաղորդում է Ukrinform-ը։
Նրա խոսքով՝ Ուկրաինայի դեմ Ռուսաստանի պատերազմն ապացուցեց, որ Եվրոպային անհրաժեշտ է հարմարվել ավելի վտանգավոր և արագ փոփոխվող աշխարհառազմավարական և աշխարհաքաղաքական միջավայրին:
«Մենք մեծացնում ենք մեր ջանքերը պաշտպանական դաշինք ստեղծելու և վստահելի գլոբալ գործընկերների, ինչպես նաև ՆԱՏՕ-ի դաշնակիցների հետ կապերի ամրապնդման ուղղությամբ։ Միևնույն ժամանակ, մեր ֆինանսական աջակցությունը, ինչպես նաև ռազմական և հումանիտար օգնությունն Ուկրաինային արդեն կազմում է 81 միլիարդ եվրո»,- ասել է ֆոն դեր Լեյենը։
Նա հիշեցրել է Եվրամիության դեմ էներգետիկ շանտաժ կիրառելու և նրա էներգետիկ համակարգը կաթվածահար անելու՝ Ռուսաստանի փորձերի մասին։ Սակայն վճռական համատեղ պատասխանի շնորհիվ ԵՄ-ն գրեթե վերացրել է իր էներգետիկ կախվածությունը ռուսական էներգետիկայից: Իսկ էներգակիրների գները, որոնք անցյալ ամառ հասել են «տիեզերական բարձունքների», իջել են մինչպատերազմյան մակարդակի:
