26.06.2026 | 16:54
Մահացել է ՌԴ պաշտպանության նախկին նախարար Սերգեյ Իվանովը
Թուրքիայի ՊՆ ղեկավարը դարձյալ խոսել է «Զանգեզուրի միջանցք»-ից
Քաղաքականություն
29.09.2023 | 14:13
Թուրքիայի պաշտպանության նախարար Յաշար Գյուլերը իշխանամերձ Hurriyet-ի հետ հարցազրույցում դարձյալ պահանջներ է ներկայացրել Հայաստանին: Բացահայտորեն ստելով, թե Ադրբեջանը կատարել է իր պարտավորությունները, նա Հայաստանից պահանջում է կատարել մի բան, որի պարտավորությունը Երևանը չունի որևէ փաստաթղթով։
«Հայաստանի կողմից իր խոստումների կատարումը, հատկապես, «Զանգեզուրի միջանցքի» բացումը և արդյունքի վրա հիմնված բանակցությունների շարունակության ապահովումը կայունության հաստատման միակ ուղիներն են։ Մենք ուշադիր հետևելու ենք այն հանդիպումներին, որոնք սպասվում են Իսպանիայում առաջիկա օրերին»,- ասել է Թուրքիայի ՊՆ ղեկավարը։
Նա ևս մեկ անգամ հայտարարել է, որ «եղբայրական Ադրբեջանի կողքին են, ինչպես միշտ՝ «երկու պետություն, մեկ ազգ» ըմբռնումով»։
Էմմա Չոբանյան
