30.05.2026 | 23:02
ՊՍԺ-ն երկրորդ տարին անընդմեջ դարձավ Չեմպիոնների լիգայի հաղթող․ ՏԵՍԱՆՅՈՒԹ
Ղազախստանը կպահպանի Ռուսաստանի դեմ պատժամիջոցների ռեժիմը. Տոկաև
Քաղաքականություն
28.09.2023 | 22:55
Ղազախստանը կպահպանի Ռուսաստանի դեմ պատժամիջոցների ռեժիմը: Այս մասին հայտարարել է Ղազախստանի նախագահ Կասիմ-Ժոմարտ Տոկաևը, փոխանցում է BBC-ի ռուսական ծառայությունը։
«Մենք շփումներ ունենք համապատասխան կազմակերպությունների հետ՝ պատժամիջոցների ռեժիմը պահպանելու համար, և ինձ թվում է՝ գերմանական կողմից չպետք է որևէ մտահոգություն լինի պատժամիջոցների ռեժիմը շրջանցելու հնարավոր գործողությունների առնչությամբ»,- ասել է այցով Գերմանիայում գտնվող Ղազախստանի նախագահ Կասիմ-Ժոմարտ Տոկաևը։
Նա նաև նշել է, որ կողմ է Ռուսաստանի և Ուկրաինայի միջև ռազմական գործողությունների անհապաղ դադարեցմանն ու խաղաղ բանակցությունների մեկնարկին՝ հիմնված ՄԱԿ-ի կանոնադրության վրա։
«Մենք պետք է դադարեցնենք փոխադարձ մեղադրանքները և բանակցենք՝ գտնելու տարբերակներ, որոնք հարմար կլինեն երկու կողմերին»,- ասել է Տոկաևը։
