Քաղաքականություն
28.09.2023 | 23:30
Գերմանական Volkswagen (VW) ավտոմոբիլային կոնցեռնը վերսկսում է գործունեությունը՝ ՏՏ համակարգի խոշոր խափանումից հետո, որը գրեթե ամբողջությամբ կաթվածահար է արել աշխատանքն ընկերության ձեռնարկություններում, գրում է DW-ի ռուսական ծառայությունը:
«VW-ի համակարգում ՏՏ-ի հետ կապված ենթակառուցվածքային խնդիրները լուծվել են մեկ գիշերվա ընթացքում, ցանցը կրկին կայուն է աշխատում։ Խափանումից տուժած ծրագրերը վերսկսվում են: Համաշխարհային արտադրական համակարգն աշխատում է, արտադրությունը պետք է ընթանա ըստ պլանի»,- հայտնել է ավտոարտադրողի ներկայացուցիչը։
Նախորդ օրը VW-ում տեղի ունեցած ցանցային խնդիրը գրեթե կաթվածահար է արել Volkswagen-ի աշխատանքը։ Կեսօրից արտադրությունը դադարեցվել է գրեթե բոլոր գործարաններում։
Խնդիրների մասին հայտնել է նաև Audi ավտոկոնցեռնը։
