24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Գլխավոր դատախազությունն ուսումնասիրում է Սամվել Բաբայանի հայտարարությունը
28.09.2023 | 17:00
ՀՀ գլխավոր դատախազությունն ուսումնասիրում է Հանրային հեռուստաընկերության եթերում Արցախի ՊԲ նախկին հրամանատար Սամվել Բաբայանի արած հայտարարությունները։ Factor.am-ի հետ զրույցում այս մասին ասաց գլխավոր դատախազի խորհրդական Լուսինե Մարտիրոսյանը՝ առանց այլ մանրամասներ հայտնելու։
Հանրային հեռուստաընկերության եթերում «Միասնական հայրենիք» կուսակցության նախագահ Սամվել Բաբայանը մի շարք աղմկահարույց հայտարարություններ էր արել, օրինակ, պնդել էր, թե Արցախի Ազգային ժողովի 22 պատգամավորները, ինչպես նաև Բակո Սահակյանը, Արկադի Ղուկասյանը, Արայիկ Հարությունյանն ու Սամվել Շահրամանյանը պետք է դատարանի առաջ կանգնեն, որովհետև, ըստ Բաբայանի, նրանք են Արցախը հասցրել կործանման։
Բաբայանը պնդում էր, թե դատախազությունը իր այդ հայտարարությունները կարող է ընդունել որպես հաղորդում հանցագործության մասին։
Ընդդիմադիր «Պատիվ ունեմ» խմբակցության պատգամավոր Տիգրան Աբրահամյանը մինչդեռ արձագանքելով Բաբայանի մեկ այլ հայտարարության, որ ինքը առանց Արցախի իշխանության իմացության, Ադրբեջանի հետ շփումների մեջ է եղել, առաջարկներ փոխանցել, ֆեյսբուքյան իր էջում գրել էր, թե Հայաստանի ԱԱԾ-ն պետք է պարզի, թե ինչպես, ում միջնորդությամբ և ինչի շուրջ է Բաբայանը բանակցել ադրբեջանցիների հետ։
