Քաղաքականություն
28.09.2023 | 15:46
Ադրբեջանի ԱԳՆ-ն արձագանքել է հայկական կողմի հայտարարություններին, որ Բաքվի կողմից Արցախում էթնիկ զտման քաղաքականություն է իրականացվում։
Ադրբեջանը, ինչպես միշտ, շարունակել է կեղծ քարոզչական թեզեր հնչեցնել՝ հայտարարելով, թե Հայաստանի ԱԳՆ-ն «մոլորեցնում է միջազգային հանրությանը»։
«Խստորեն դատապարտում ենք Հայաստանի ԱԳ նախարարության 2023 թվականի սեպտեմբերի 27-ի հայտարարությունը, որը մոլորության մեջ է գցում միջազգային հանրությանը 44-օրյա պատերազմի և դրանից հետո իրականացվող գործողությունների առնչությամբ»,- ասվում է ԱԳՆ հայտարարության մեջ։
Բաքուն, բնականաբար, շարունակում է հերքել Արցախի դեմ իրականացվող էթնիկ զտումն ու բռնի տեղահանումը։ Ադրբեջանի ԱԳՆ-ն նշում է, թե «ոչ մի կապ չունի Ղարաբաղի տարածաշրջանի հայերի՝ Հայաստան կամ որևէ այլ երկիր տեղափոխվելու որոշման հետ»՝ նշելով, որ պատրաստ է այդ մարդկանց կյանքի համար ավելի լավ պայմաններ ստեղծել, քան իրենք ունեին՝ որպես «Հայաստանի ստեղծած ռազմական խունտայի պատանդներ», և որ վճռական է հայերին ադրբեջանական հասարակությանը վերաինտեգրելու հարցում»։
Էմմա Չոբանյան
