18.09.2026 | 17:16
Կառլեն Հովհաննիսյանը՝ «Ակրոնում» առաջին գոլի ու հարմարվելու մասին
Արփինե Հովհաննիսյանը չի մասնակցում ԸՕ քննարկմանը. մեկնարկել է նրա պաշտոնական արձակուրդը
20.07.2018 | 12:19
ՀՀ ԱԺ փոխնախագահ Արփինե Հովհաննիսյանը ֆեյսբուքի իր էջում արված գրառմամբ տեղեկացրել է, որ մեկնում է արձակուրդ:
«Սիրելի ընկերներ, տեղեկացնում եմ ձեզ, որ արդեն երեք օր է `մեկնարկել է պաշտոնական արձակուրդս, իսկ այսօր մեկնում եմ երկրից` վաղօրոք պլանավորած հանգստի:
Բոլորիդ մաղթում եմ ամառային լավ հանգիստ, բարձր տրամադրություն, իսկ մեր երկրին էլ` խաղաղություն:
Հ.Գ. Այս ընթացքում ուշադրության կենտրոնում կպահեմ ընտրական օրենսգրքի մշակմամբ զբաղվող հանձնաժողովի աշխատանքները և կարճ ժամանակ անց կմիանամ գործընկերներիս»,- գրել է նա:
Հիշեցնենք, որ երեկ մեծ աղմուկ էր բարձրացրել ԸՕ բարեփոխումներին նվիրված ԱԺ նիստում Արփինե Հովհաննիսյանի՝ Դանիել Իոաննիսյանին ուղղված այն արտահայտությունը, թե՝ «էս մտավոր հետամնացի հետ ի՞նչ քննարկենք»։ Իսկ այսօր ԱԺ փոխնախագահը մեկնում է երեք օր առաջ մեկնարկած արձակուրդ:
