Հրշեջ-փրկարարները մարել են խոտածածկ տարածքներում բռնկված հրդեհները

Հուլիսի 19-20-ը ՀՀ ԱԻՆ ՓԾ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:

Մասնավորապես`Երևան քաղաքի Լվովյան փողոցի թիվ 25 շենքի մոտակայքում այրվել է մոտ 500 քմ խոտածածկույթ, Հույսի Ավանի 2-րդ թաղամասի 4-րդ փողոցում՝ մոտ 2000 քմ, Դավիթ Բեկի փողոցում՝ մոտ 5000 քմ, Նուբարաշեն թաղամասում՝ հրաձգարանի մոտակայքում՝  մոտ 4 հա, Խարբերդի ամառանոցների 4-րդ փողոցում՝ մոտ 700 քմ, Գյուրջյան փողոցի թիվ 6 հասցեում գտնվող «Սուրբ Գրիգոր Լուսավորիչ» բժշկական կենտրոնի մոտակայքում՝ 2000 քմ բուսածածկույթ ու 8000 քմ խոտածածկույթ, Էզրաս Հասրաթյան փողոցում՝ մոտ 2000 քմ, Թբիլիսյան խճուղում՝ թիվ 61 շենքի մոտակայքում՝ մոտ 200 քմ, Կոտայքի մարզի Աբովյան քաղաքի հին գերեզմանատան մոտակայքում՝ մոտ 3000 քմ, Երիտասարդական փողոցում՝ թիվ 8 դպրոցի մոտակայքում՝ մոտ 1500 քմ, Բյուրեղավան քաղաքում՝ անտառի մոտակայքում՝ մոտ 1 հա, Պտղնի գյուղում՝ մոտ 2000 քմ խոտածածկույթ, Արզնի գյուղի ձորում՝ հանգստյան գոտիների մոտակայքում՝ 1500 քմ, Նոր Գեղի գյուղի Թևոսյան փողոցի տներից մեկի մոտակայքում՝ մոտ 300 քմ, Գետամեջ գյուղի 11-րդ փողոցի մոտակայքում՝ մոտ 3000 քմ, Արագածոտնի մարզի Աշտարակ քաղաքի Նարեկացու փողոցի տներից մեկի այգում՝ մոտ 300 քմ, Ն. Սիսակյանի անվան ավագ դպրոցի տարածքում՝ մոտ 5000 քմ, Ոսկևազ գյուղի դաշտամիջյան հատվածում՝ 4000 քմ, Սասունիկ գյուղի մոտակայքում գտնվող գազալցակայանի մոտ՝ մոտ 5000 քմ, Սյունիքի մարզի Սյունիք գյուղի կենտրոնական աղբանոցին հարակից տարածքում՝ մոտ 1200 քմ, Կապան քաղաքի Գայի 3-րդ փողոցի տներից մեկի բակում՝ մոտ 2000 քմ բուսածածկույթ, Լոռու մարզի Ալավերդի քաղաքի Դեբեդ թաղամասի վերջնամասում՝ մոտ 3000 քմ, Մեծ Պարնի գյուղի 9-րդ փողոցի տներից մեկի բակում՝ մոտ 400 հակ, Երևան-Սևան ավտոճանապարհի 16-րդ կմ-ի աջակողմյան հատվածում՝ մոտ 1,5 հա խոտածածկ տարածք:

Բոլոր հրդեհները հրշեջ-փրկարարները մեկուսացրել են և մարել: