15.01.2026 | 21:13
Անկախ ԲԴԽ կազմից՝ Խորհուրդը չի կարող Դավիթ Հարությունյանի գործով տրիբունալ լինել. փաստանամ. ՏԵՍԱՆՅՈՒԹ
Զախարովան հայտարարել է, թե «ԱՄՆ-ն ու ԵՄ-ն Հայաստանին դրդում են ՀԱՊԿ-ից դուրս գալ»․ ՏԵՍԱՆՅՈՒԹ
Քաղաքականություն
27.09.2023 | 15:49
Վաշինգտոնը և Բրյուսելն ազդում են Երևանի վրա, որպեսզի Հայաստանի ղեկավարությունը որոշի դուրս գալ Հավաքական անվտանգության պայմանագրի կազմակերպությունից։ Այս մասին այսօր ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Ըստ ստացվող տեղեկությունների՝ Վաշինգտոնը և Բրյուսելը համոզում են Հայաստանի ղեկավարությանը՝ դուրս գալ ՀԱՊԿ-ից, արագացնել համագործակցությունը ՆԱՏՕ-ի հետ, վերակողմնորոշել ռազմատեխնիկական համագործակցության ծրագիրը և խաղաղության պայմանագիր կնքել Ադրբեջանի հետ՝ հաշվի չառնելով Ղարաբաղի հայերի իրավունքներն ու անվտանգությունը»,- հայտարարել է Զախարովան։
Նա նաև նշել է, որ Ռուսաստանի և Հայաստանի միջև շփումները տարբեր մակարդակներով շարունակվում են։
«Դրանք շարունակվում են տարբեր մակարդակներում: Մենք ակնկալում ենք, որ մեր ազդանշանները կլսեն և պատշաճ կերպով կընդունվեն»,- ասել է Զախարովան։
Ըստ նրա՝ Ռուսաստանը «միշտ խնամքով է վերաբերվել Հայաստանի հետ դաշնակցային հարաբերություններին, երբեք չի եղել դրանց սրման նախաձեռնողը և արել է հնարավորը՝ Հայաստանի ժողովրդին ամենադժվար իրավիճակներում աջակցելու համար»։
«Մենք ելնում ենք նրանից, որ երկկողմ համագործակցության զարգացման վերաբերյալ բոլոր պայմանավորվածությունները կշարունակեն իրականացվել՝ ելնելով երկու երկրների ժողովուրդների շահերից»,- հավելել է Զախարովան։
Էմմա Չոբանյան
