Քաղաքականություն
27.09.2023 | 20:32
Ադրբեջանական լրատվամիջոցները հայտնում են, որ ԱԻ նախարարության 50 հոգանոց անձնակազմով 10 հատուկ նշանակության մեքենաները մեկնել են Ստեփանակերտ՝ սեպտեմբերի 25-ին վառելիքի պահեստի պայթյունի վայրում որոնողափրկարարական և անվտանգության այլ անհրաժեշտ միջոցառումներ իրականացնելու համար։
Նշվում է, որ մեքենաները շարժվում են Աղդամի ճանապարհով։
Բացի այդ, նշվում է, որ ԱԻՆ 53 մեքենա և անձնակազմ՝ անհրաժեշտ սարքավորումներով, ուղարկվելու է Իվանյանի մերձակայքում դաշտային հիվանդանոց հիմնելու համար։
Արցախի իշխանություններն այս մասին պաշտոնական տեղեկություններ չեն հաղորդում։
Էմմա Չոբանյան
